.png "Казахский")
MUN мектеп клубы мүшелері Диана Губайдуллина (бас хатшы), Әділ Шаяхметов және Дарина Маненова (комитет төрайымдары) ұйымдастыруымен NISK – БҰҰ моделінің жыл сайынғы алтыншы конференциясы өтті. Конференцияға 7-11 сыныптардың 23 оқушысы қатысты, олардың арасында БИЛ, №93 Шәкәрім атындағы гимназия және Мағжан Жұмабаев атындағы №39 гимназия оқушылары да болды. БҰҰ моделі барысында қатысушылар «Түрік-күрд қақтығыстарының шиеленісуі» және «Әлемдік босқындарды қабылдау» сияқты тақырыптарды талқылады. Номинациялар бойынша Сабина Айтбекова, Сабина Каримова (үздік делегат), Аружан Көшекбаева, Жансұлу Кәрімжанова (құрметті атақ), Дарья Калинина және Инсар Әбілқасов (үздік позициялық баяндама) жеңімпаз атанды.
Конференцияға қатысу барысында оқушылар көшбасшылық қасиетін, сонымен қатар көпшілік алдында сөйлеу, топтық жұмыс және сыни ойлау қабілеттерін дамыта алды. «БҰҰ үлгісіне» қатысу студенттердің ой-өрісін кеңейтіп, бір-бірімен тәжірибе алмасуға мүмкіндік береді.
