.png "Казахский")
Қарағандылық NIS-тің 10-сынып оқушылары София Дасаева мен Лейла Нұрлыбаева Solve for tomorrow 2023 республикалық әлеуметтік жобалар байқауында екінші орын алып, 2,5 миллион теңге грантқа ие болды.
Байқауға оқушылар Full Speed Wheelchair жобасын ұсынды. Жоба жетекшісі – география мұғалімі Жанар Байметова.
– Бұл арбаны жасау көп уақытты қажет етпеді. Біз бірінші прототипті жасаған кезде ол өте жақсы болып көрінді, бірақ тестілеу кезінде кемшіліктер анықталды. Креслода болған кезде арбаны өшіруге болмайды, сондықтан біз түймелерді рычагтарға қосуды шештік, – дейді Лейла Нұрлыбаева.
– Байқауға қатысу шамамен алты айға созылды. Ұйымдастыру жоғары деңгейде болды. Біз көптеген пайдалы ақпарат алдық, финалда өз жобаларымызды басқа қатысушылардың идеяларымен салыстыра алдық. Бұл біз үшін үлкен тәжірибе, – деп атап өтті София Дасаева. – 2,5 млн теңгеге жобамызды одан әрі ілгерілетуді, оны жақсартуды жоспарлап отырмыз. Біз патент алғымыз келеді. Болашақта, мүмкін, біздің жобамызды монетизациялаймыз.
Айта кетерлігі, мектеп оқушыларының жобасы бұдан бұрын да Қазақстанның НЗМ оқушылары арасындағы байқауда және әл-Фараби атындағы Ұлттық университет ұйымдастырған республикалық жобалар байқауында жүлделі орындарға ие болған.
