Химия және биология пәнінен ІІІ облыстық олимпиада өтті

Ақтөбедегі Назарбаев Зияткерлік мектебінде химия және биология пәнінің мұғалімдеріне арналған ІІІ облыстық олимпиада өтті.

Олимпиадаға Ақтөбе облысының аудандарынан, қала мектептерінен келген 57 педагог қатысты. Ұстаздар өз білімдерін кең ауқымда көрсетуге, тексеруге және жетілдіруге мүмкіндік алды.

Пәндік олимпиада 3 кезеңнен тұрды. Алғашқы кезеңде қатысушылар олимпиада тапсырмаларын орындаса, екінші кезеңде тапсырмаларды шешу әдістерімен (олимпиада тапсырмаларын талдау) танысты. Сонымен қатар NIS ұстаздары тарапынан әдістемелік көмек көрсету мақсатында шеберлік сабақтар да ұйымдастырылды. Онда оқушылар ұғынуы қиын тақырыптарды түсіндіру әдістері көрсетілді.

Олимпиада қатысушылары білім бәсекесінің жоғары деңгейде өткенін айтып, ұйымдастырушыларға өз алғыстарын білдірді.