«Зияткерлікке қабылдау» рәсімі өтті

Ақтөбе қаласындағы Назарбаев Зияткерлік мектебінде 7-сынып оқушыларын «Зияткерлікке қабылдау» рәсімі өтті.

Салтанатты шара мектеп директоры Қайырбек Сәбитұлының құттықтау сөзінен басталып, мерекелік бағдарламаға ұласты. Мектеп оқушыларынан құралған оркестр күй тартып, ән айтылды. Сонымен қатар жас зияткерлерге мектеп өміріне қатысты қызықты сұрақтар қойылды.

Мерекелік бағдарламаның ең маңызды сәті 7-сынып оқушыларының адалдық антын беруі болды. Жас зияткерлер білімге құштар болуға, әрқашан адалдық танытуға және мектеп өміріне белсенді қатысуға уәде етті. Содан соң мектеп президенті сөз алып, жас буынға қашан да қолдау көрсетуге дайын екенін жетеізді.

Айта кетейік, биыл мектепке 128 оқушы қабылданды. Жаңа оқу жылында жас зияткерлерге сәттілік тілейміз!