Президенттік олимпиада: Ақтөбелік зияткерлер алдыңғы қатардан көрінді

Елордада өткен XVII Президенттік олимпиадада Ақтөбе қаласындағы NIS-тің 12-сынып оқушылары жүлделі орындар иеленді. Атап айтсақ, Әміржан Жылқайдаров күміс медаль, ал Даниал Баширов қола медаль еншіледі.

Олимпиадаға еліміздің барлық өңірлерінен 190 оқушы қатысып, математика, физика, химия және биология пәндерінен білімдерін сынға салды. Қазылар алқасының құрамына халықаралық олимпиадалардың жеңімпаздары мен жүлдегерлері, сондай-ақ отандық және шетелдік университеттердің белгілі ғалымдары, магистрлері және PhD докторлары кірді.

Еске салсақ, 11-12 сынып оқушыларына арналған Президенттік олимпиада 2008 жылдан бері өткізіліп келеді.