Көкшетаудағы NIS-те «Желтоқсан» қозғалысының қатысушыларымен кездесу өтті

Көкшетаудағы NIS-те Тәуелсіздік күні қарсаңында Желтоқсан қозғалысының қатысушыларымен кездесу өтті. Желтоқсаншылар Ертай Жұмажанов, Алтынбек Жарылғасов және Сағат Нұрғалиев зияткерлермен мазмұнды сұхбат құрды.

Мектеп қонақтары әуелі оқушылардың көмегімен ғимаратпен, оның жабдықталуымен, оқыту класстарымен танысып шықты. Оларды балалардың спортпен қандай деңгейде айналысатыны, сабақтан тыс уақытта нендей істермен шұғылданатыны қызықтырды.

Осыдан кейін оқушылардың алдында ХХ ғасырдың екінші жартысындағы маңызды тарихи оқиға туралы кеңінен айтып берді. Қозғалыс қатысушылары 1986 жылы жастардың наразылығы мен келіспеушілігін, талаптары мен сол кезеңдегі сезімдері жайлы естеліктерімен бөлісті.

Шара соңында мектеп директоры Аян Алтынбеков меймандарға алғыс білдіріп, естелік сыйлықтар табыстады.