«Даналық бейсенбі» жобасы арқылы робототехника әлемімен танысу 🤖

Зияткерлік оқу ордамызда 5 желтоқсан күні «Даналық бейсенбі» жобасы 9-сынып оқушылары мен робототехникаға қызығушылық танытқан баршаға үлкен шабыт сыйлады. Жоба қонағы Сымбат Нургалиева робототехника технологияларының интеграциясы негізінде мобильді роботтардың оқу процесінде қолданылуының теориялық негіздері жайлы оқушыларға түсіндіріп берді. Сондай-ақ, лекторымыз жоғары технологиялар саласындағы соңғы жаңалықтармен бөлісіп, өзінің тәжірибесі, қызықты жобалары мен жарыстардағы жетістіктері туралы айтып берді.

Кездесу барысында тыңдаушылар қазіргі роботтардың медицинадан бастап ғарыш саласына дейін әртүрлі салаларда адамдарға қалай көмектесетінін және болашақ технологияларды жасау үшін қандай дағдылар қажет екенін білді.

Мұндай кездесулер ғылымның тек теория емес, сонымен қатар шығармашылық пен идеяларды жүзеге асырудың шексіз мүмкіндіктерін көрсетеді.