READx: Оқушылар қандай кітап оқуға кеңес береді?

23 сәуірМектеп жаңалықтары

Халықаралық кітап және авторлық құқық күні аясында Қарағанды қаласындағы Назарбаев Зияткерлік мектебінің «Хан тәңірі» Шаңырағы оқушылары READx жобасына қатысып, сүйікті кітаптары жайлы ой бөлісті.

9-сынып оқушысы Дильназ Аубакированың сүйікті кітабы – Джек Лондонның «Мартин Иден» романы. Ол бұл кітапта адамның арманға, жетістікке жету жолы керемет сипатталғанын айтады. Ал 8-сынып оқушысы Ислам Бисен Джон Гриннің «Жұлдыздар кінәлі» романын оқуға кеңес берді.

Стивен Кингтің «Үй жануарларының зираты» кітабы туралы ой бөліскен 9-сынып оқушысы Асира Баймурзина роман авторының оқиғаны, адамның жан дүниесін өте шебер суреттейтініне тәнті болғанын жеткізді. 8-сынып оқушысы Мирас Дауытқазы «Сақиналар әміршісі» кітабы романы жайлы әңгімелеп, достарын Толкин әлеміне шақырды.